Lög um Samskiptamiðstöð heyrnarlausra og heyrnarskertra 1990-12-31 129 1990 nr. 129 31. desember <a href="https://www.althingi.is/thingstorf/thingmalalistar-eftir-thingum/ferill/?ltg=113&amp;mnr=99"> <i> Ferill málsins á Alþingi. </i> </a> <a href="https://www.althingi.is/altext/113/s/0102.html"> <i> Frumvarp til laga. </i> </a> <br/> <br/> <small> <b> Tóku gildi 14. janúar 1991. </b> <em> Breytt með: </em> <a href="/altext/stjt/1997.083.html"> L. 83/1997 </a> (tóku gildi 6. júní 1997). <a href="/altext/stjt/2010.162.html"> L. 162/2010 </a> (tóku gildi 1. jan. 2011). <a href="/altext/stjt/2011.126.html"> L. 126/2011 </a> (tóku gildi 30. sept. 2011). <a href="/altext/stjt/2015.115.html"> L. 115/2015 </a> (tóku gildi 16. des. 2015). <a href="/altext/stjt/2021.085.html"> L. 85/2021 </a> (tóku gildi 1. jan. 2022). <a href="/altext/stjt/2021.089.html"> L. 89/2021 </a> (tóku gildi 8. júlí 2021). <a href="/altext/stjt/2025.031.html"> L. 31/2025 </a> (tóku gildi 21. júní 2025). <br/> </small> <br/> Ef í lögum þessum er getið um ráðherra eða ráðuneyti án þess að málefnasvið sé tilgreint sérstaklega eða til þess vísað, er átt við <b> menningar-, nýsköpunar- og háskólaráðherra </b> eða <b> menningar-, nýsköpunar- og háskólaráðuneyti </b> sem fer með lög þessi. Upplýsingar um málefnasvið ráðuneyta skv. forsetaúrskurði. I. kafli. Markmið, gildissvið og vinnsla persónuupplýsinga. L. 89/2021, 9. gr. 1. gr. Markmið laga þessara er að stuðla að jafnrétti heyrnarlausra til þjónustu sem víðast í þjóðfélaginu á grundvelli táknmáls heyrnarlausra. 2. gr. Hlutverk Samskiptamiðstöðvar heyrnarlausra og heyrnarskertra er að annast: a. rannsóknir á íslensku táknmáli, b. kennslu táknmáls, c. táknmálstúlkun, d. aðra þjónustu. Um skipan þjónustunnar skal kveðið á í reglugerð. Stofnunin skal hafa samstarf við svæðisstjórnir um málefni fatlaðs fólks, Ráðgjafar- og greiningarstöð, Heyrnleysingjaskólann, Heyrnar- og talmeinastöð Íslands, Námsgagnastofnun og aðra opinbera aðila varðandi málefni er snerta starfsemi þeirra. Sama gildir um samstarf við félög áhugamanna. <a href="https://www.reglugerd.is/reglugerdir/allar/nr/1058-2003">Rg. 1058/2003</a>, sbr. <a href="https://www.reglugerd.is/reglugerdir/allar/nr/884-2004">884/2004</a>. L. 115/2015, 28. gr. L. 85/2021, 15. gr. 2. gr. a. Samskiptamiðstöð heyrnarlausra og heyrnarskertra er heimil vinnsla persónuupplýsinga að því marki sem nauðsynlegt er í þeim tilgangi að sinna lögbundnu hlutverki sínu, svo sem vinnsla viðkvæmra persónuupplýsinga um heilsufar vegna beiðna um táknmálstúlkaþjónustu, kennslu táknmáls og máltöku barna og í þágu rannsókna á íslensku táknmáli. Samskiptamiðstöð heyrnarlausra og heyrnarskertra er heimil öflun og miðlun persónuupplýsinga þegar nauðsyn krefur, þ.m.t. til og frá leikskólum, grunnskólum og framhaldsskólum, félags- og skólaþjónustu sveitarfélaga, Ráðgjafar- og greiningarstöð, Heyrnar- og talmeinastöð Íslands, Sjónstöðinni og aðilum samkvæmt lögum um heilbrigðisþjónustu. Ráðherra er heimilt að kveða nánar á um vinnslu persónuupplýsinga í reglugerð samkvæmt þessu ákvæði. L. 31/2025, 5. gr. L. 89/2021, 9. gr. II. kafli. Stjórnun. 3. gr. Ráðherra skipar stofnuninni fimm manna stjórn til fjögurra ára í senn og jafnmarga til vara: a. einn fulltrúa tilnefndan af Félagi heyrnarlausra, b. einn fulltrúa tilnefndan af Foreldra- og styrktarfélagi heyrnardaufra, c. tvo fulltrúa tilnefnda af ráðherra er fer með málefni fatlaðs fólks, d. skipar ráðherra einn fulltrúa án tilnefningar. Skal hann vera formaður. Varamenn skulu skipaðir á sama hátt. L. 126/2011, 149. gr. L. 162/2010, 7. gr. 4. gr. Ráðherra skipar forstöðumann til fimm ára í senn að fengnum tillögum stjórnar stofnunarinnar. Hann á sæti á fundum stjórnarinnar með málfrelsi og tillögurétti og sér um framkvæmd á ákvörðunum hennar. Forstöðumaður annast daglegan rekstur stofnunarinnar. L. 126/2011, 149. gr. 5. gr. Forstöðumaður ræður annað starfsfólk. L. 83/1997, 125. gr. 6. gr. Samskiptamiðstöð gerir fjárhags- og framkvæmdaáætlun til allt að fimm ára. Stjórn stofnunarinnar staðfestir áætlanir og fylgist með framkvæmd þeirra. Ráðherra getur, að fengnum tillögum stjórnar stofnunarinnar, sett gjaldskrá fyrir þá þjónustu sem samskiptamiðstöðin veitir. L. 126/2011, 149. gr. 7. gr. Lög þessi öðlast þegar gildi. Lögin skal endurskoða innan fjögurra ára frá gildistöku þeirra.