Lög um innlenda lánsfjáröflun ríkissjóðs 1983-12-28 79 1983 nr. 79 28. desember <a href="https://www.althingi.is/thingstorf/thingmalalistar-eftir-thingum/ferill/?ltg=106&amp;mnr=59"> <i> Ferill málsins á Alþingi. </i> </a> <a href="https://www.althingi.is/altext/pdf/106/s/0064.pdf"> <i> Frumvarp til laga. </i> </a> <br/> <br/> <small> <b> Tóku gildi 30. desember 1983. </b> <em> Breytt með: </em> <a href="/altext/stjt/1989.117.html"> L. 117/1989 </a> (tóku gildi 30. des. 1989; komu til framkvæmda skv. fyrirmælum í 15. gr.). <a href="/altext/stjt/2011.126.html"> L. 126/2011 </a> (tóku gildi 30. sept. 2011). <br/> </small> <br/> Ef í lögum þessum er getið um ráðherra eða ráðuneyti án þess að málefnasvið sé tilgreint sérstaklega eða til þess vísað, er átt við <b> fjármála- og efnahagsráðherra </b> eða <b> fjármála- og efnahagsráðuneyti </b> sem fer með lög þessi. Upplýsingar um málefnasvið ráðuneyta skv. forsetaúrskurði. 1. gr. Til þess að afla innlends lánsfjár í samræmi við heimildir fjárlaga eða lánsfjárlaga hverju sinni er ráðherra fyrir hönd ríkissjóðs heimilt að gefa út til sölu skuldarviðurkenningar ríkissjóðs í formi ríkisskuldabréfa, spariskírteina og ríkisvíxla. L. 126/2011, 98. gr. 2. gr. Ríkisskuldabréf og spariskírteini má gefa út með verðtryggingu miðað við vísitölu sem ráðherra ákveður, gengi erlendra gjaldmiðla eða hin sérstöku dráttarréttindi Alþjóðagjaldeyrissjóðsins (SDR). Ráðherra er heimilt að ákveða lánskjör þessara bréfa og er ekki bundinn við almennar vaxtaákvarðanir Seðlabanka Íslands við þá ákvörðun. Ráðherra getur ákveðið að gefa út ríkisvíxla sem greiðast skulu eftir ákveðinn tíma frá útgáfudegi, sem þó má ekki vera lengri en 12 mánuðir. Ráðherra getur ákveðið forvexti af víxlum þessum. Hann getur einnig ákveðið í stað forvaxta að víxlar þessir verði seldir á almennum markaði, þar á meðal samkvæmt tilboðum. Um víxla þessa skulu gilda almennar reglur laga um eiginvíxla. L. 126/2011, 98. gr. 3. gr. Lánsskjöl skv. 2. gr. skulu vera stimpilgjaldsfrjáls. Ráðherra getur falið Seðlabanka Íslands að annast útgáfu og sölu lánsskjala skv. 2. gr. Ráðherra er heimilt að kveða nánar á um framkvæmd laga þessara með reglugerð. L. 117/1989, 15. gr. L. 126/2011, 98. gr. 4. gr. Lög þessi öðlast þegar gildi.